KUNGIYAR LIFE HELPERS TA WAYAR DA KAI AKAN ILLAR SAYEN KURI’A

-
Kungiyar life helpers din dai, ta gudanarda taron na wayar da kai da karawa juna sani ne, tare da shuwagabannin kungiyoyin mata na 100 women group leaders wadanda su ka fito daga kananan hukumomi 23 dake fadin Jahar sakkwato. Taron wanda aka shirya domin jan hankalin mata akan illar da ke tattare da sayar da kuri’a a lokutan zabe ya kuma tattauna batutuwa da suka shafi shigowar mata a dama da su a sha’anin siyasa da shugabanci. Malama Hadiza Yaro ita ce ta jagoranci zaman ta bayyana cewa wanan zaman na da alaka da taron da kungiyar ta yi a babban birnin tarayya Abuja tare da masu daukar nauyin wannan wayar da kan waton EU-ACT, taron da aka shirya domin fadakar da mata akan illolin da ke tattare da sayar da kuri’un su a lokutan zabe. Hadiza yaro ta bayyana cewa sun bayar da horo ga mata na kungiyar ta 100 women group akan illolin sayarda kuri’a inda ta ce suna kara jan kunne ga mata akan yin yarjejeniya da yan siyasa na ayukkan da za su yi a kamin a zabe su. Hadiza yaro ta kuma ja hankalinsu akan ka da su bari yan siyasa suyi amfani da su musamman a lokutan zabe ta hanyar ba su wasu yan kudade. Ta kuma ce yan siyasa za su ci gaba da farautar kungiyoyin mata musamman idan lokacin zabe ya tashi inda tace suyi amfani da wannan lokaci domin yin tsayin daka akan samar musu da ayukkan ci gaba maimakon rufe su karbi abin duniya. Fatima Larai Tahir, na daya daga cikin shuwagabannin kungiyoyin mata a jihar Sakkwato, ta bayyana irin kalubalen da mata suke fuskanta a lokacin siyasa musamman ta hanyar yin fatali da su bayan sun bada tasu gudunmuwa. Fatima ta ce sau tari da dama sun yi wahalhalu daban-daban amma kuma bayan samun mulki ba wanda zai waiwaye su. Ita ma da ta ke tofa albarkacin bakinta a yayin taron, Hajiya Yannare Yabo, ta nuna bukatar da ke akwai akan mata su maida hankali wajen kulla alkawurra da yan takara wajen aiwatar musu da ayukkan ci gaba maimakon ba su abin da bai taka kara ya karya ba.
Tace abu ne mai kyau mata su dukufa wajen yin yarjejeniya da duka yan takara na yankunansu akan yi musu ayukka ko kuma ma wadanni ayukka suka taba aiwatarwa. Hajiya Yannare ta ce kamata ya yi ‘yansiyasa masu neman kujeru su kasance masu son yin ayukka ga yankunan su maimakon nuna handama da babakere.

Comments

Post a Comment

Popular posts from this blog

ATIKU YA GANA DA WAKILAN CIBIYAR KASA DA KASA TA REPUBLICAN DA CIBIYAR HARKOKIN DIMUKURADIYYA TA KASA, AN BADA SHAWARAR SAMAR DA TAKARDUN ZABE DA ZASU KAWAR DA SIYAN KURI'U

-
Image
Dan Takarar shugabancin Najeriya a Jam'iyyar PDP a zabe Mai zuwa Alh. Atiku Abubakar (GCON) ya yi wata ganawa yau a Abuja da wani ayarin hadin gwiwa daga cibiyar kasa da kasa ta republican da cibiyar harkokin demukuradiyya ta kasa NDI karkashin jagorancin Mr. Frank LaRose sakataren jihar Ohio ta Amurka. Wannan dai yana kumshe ne a cikin takardar bayan taro, wadda Mataimaki na Musamman ga Alh. Atiku Abubakar din kan Kafofin Watsa Labarai AbdulRasheed Shehu ya fitar.  A taron, Wazirin Adamawa yace ya yi ganawa Mai muhimmancin gaske da ayarin, dangane da muhimmancin alfanun bunkasa dimukuradiyyar gaskiya a tsarin gudanar da zabe Musamman kare tsarin doka da oda da sauran batutuwa. Tsohon mataimakin shugaban kasar ta Najeriya yace a yayin tattaunawar tasu, ya bada shawarar Samar da takardun zabe na Musamman domin kawar da matsalar sayen kuri'u Wanda ke Neman zama ruwan dare a tsarin zabukan mu. A karshe taron, Dan Takarar ta PDP ya godewa bakin
Read more

ATIKU YA SHA ALWASHIN TABBATAR DA DAIDAITUWAR TATTALIN ARZIKIN NAJERIYA YAYIN YAKIN NEMAN ZABEN SA GOMBE

-
Image
Dan Takarar shugabancin Najeriya na Jam'iyyar PDP a zaben badi Alhaji Atiku Abubakar yayin yakin neman zaben sa a Gombe ya yi alkawarin daidaita tattalin arzikin Najeriya idan aka zabe shi badi. Da yake jawabi ga dandanzon magoya bayan sa da shugabannin Jam'iyya da jagorori a filin wasa na Gombe, tsohon mataimakin shugaban kasar ya yi alkawarin aiki domin inganta tattalin arzikin Najeriya da ci gaban ta. Ya bawa mutanen Gambe tabbacin cewar gwamnatin sa zata farfado da Dam din Dadin Kowa inda ya yi kira ga mutanen jihar su bashi dama ya zama Tafawa Balewa na biyu, inda yace an shafe Lokaci Mai tsawo yankin Bai Samar da shugaban Najeriya ba. Atiku ya ce zuwa Gombe kamar zuwa gida ne a wurin sa, ya kuma bada tabbacin warware matsalar tsaro a yankin tare da maido da zaman lafiya sannan ya farfado da tattalin arziki a dukkan matakai. Masu ruwa da tsaki na Jam'iyyar PDP a jihar ta Gombe sun bada tabbacin goyon baya ga Atiku da Jam'iyyar sa. Da suke ma
Read more